日飲一杯香芧茶，養顏兼修身！

越南、泰國、印度菜常用於調味的香芧，每每被我用筷子夾走丟掉，卻原來是keep fit恩物？！

我早前認識了一位泰藉按摩導師，由她口中得知每日一杯香芧茶，只須持續半年，全身水睡情況會自動減退，線條結實。

嘩！係咪真的咁利害？她說身邊的泰藉朋友也堅持日飲香芧茶的習慣啊。

唔傷身、又天然、仲要平，一試無妨吖，即刻公開俾大家知，不如一齊來驗證啦！

若然只用香茅加水，我試飲後覺得只有淡淡香草味，很寡，還是喜歡加入少量檸檬及蜜糖當作提味。

  做法：

    將香茅洗淨，然後切段，拍扁令味道易出。也可加入少量葉部位。

    檸檬榨汁備用。

    將香茅放入鍋中與清水煮沸約20分鐘，待微涼然後加入檸檬汁，再拌上適量蜂蜜即可當茶飲用。

多功效香芧葉

導師建議用新鮮或曬乾的香芧葉來泡茶，功效一樣。

香芧別名檸檬草，因有濃烈檸檬香味而得名，原產於印度，我仲以為係泰國添，因為泰菜常見嘛！

導師話我知是在九龍城買的，其實在某些菜店也可找到呢。此外，很多有機農場也有種植香芧葉，用來沖茶直接飲用也就特別安心。

香茅有咩功效？印度醫學專家認為，檸檬香茅可以行氣解毒及幫助消化。此外，也相傳具殺菌與治療神經痛及肌肉痛的效果；最重要是有利尿、消腫去濕及滋潤皮膚功效，所以是女性養顏修身不可或缺的好香草，對於缺乏運動致下半身水腫者效果極佳。

由於香芧茶被引證具幫助腸內淨化之效，故常常被當作餐後茶飲用。

—————————————————————————-

本週《MORE》專欄精采內容：

媲美Botox 熨平皺紋瘦面facial

做facial竟可有如注射Botox去皺瘦面的療效？

這個媲美Botox的瘦面facial叫「時光逆轉療程」，過程無需靠任何科技儀器，全憑外塗產品及技師妙手，就可以守護年輕外貌，真殊不簡單啊！敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/

辦公室 healthy tea set！

的而且確，進食可以令人relax、令人心情開朗！

我身邊很多朋友特別是女性，佔很大比例都有「情感進食」傾向，一旦心情煩悶、低落、痛苦，就會放肆大吃高脂肪、高能量的甜品或零食，將常掛在口邊的「肥胖恐懼症」拋諸腦後，可能你們也是一份子麼？！

我卻是極少數的相反者，唔開心會無 mood食嘢，食得開懷也就代表好心情喇！所以食完又減減完又食，看似矛盾，其實不知幾 enjoy呀！

早陣子與朋友 C 又在雀局上見面，即是較早前提及過跟營養師指導由 106 磅健康地減至99磅那位，在長時間攻打四方城中，了解到她的飲食規條，其中有值得分享之處。

除正餐外，感到肌餓之時可以食乜嘢？

原來營養師建議小食是芝麻梳打餅或瑪利餅，是烘焙非油炸處理，於美味餅乾類中屬低卡路里，具飽肚感可以降低一發不可收拾的胃口；至於配搭飲品最好當然是零卡路里清水，然而無厘味道，好友會自己揀選飲 coke zero，是零卡路里但也是不健康啊！

我倒有兩全其美的飲料推介，是有多種味道可選，又標榜加入纖體配方的。

左起：「易纖諾」巴西咖啡、朱古力味、蘋果綠茶，每杯只有 38 至 58 卡路里咋！

每杯裏面有7包粉，即可沖7杯，加熱水拌勻，再添暖水或凍水，隨大家喜好。 ($129 /盒 萬寕)

三者當中我最 like 是朱古力味，味香唔太甜；蘋果綠茶加入埋Q10美肌成分但味道唔夠天然；咖啡味家姐話唔錯，口感算滑。

這款飲品被起朵為「燒脂特飲」，加入多種氨基酸如甘氨酸、離氨酸、麩磕氨酸等，有助提升新陳代謝及排走多餘水分；還加入天然纖維素，可以排毒及排脂，最重要是沒有任何減肥藥成分，保證唔傷身。

標榜連飲十天改善線條......我沒有寄望呀，只是喜歡能滿足味覺又不會破壞我 keep fit 之道。

以上呢兩款食品組合--- 瑪利餅及朱古力飲品就是我間唔時會吃的 healthy tea set 低卡飽肚餐，美味絕配最啱 OL 三點三作為辦公室 tea set，滿足口癮，唔會歎完至嚟內咎喎！

—————————————————————————-

本週《MORE》專欄精采內容：

媲美Botox 熨平皺紋瘦面facial

做facial竟可有如注射Botox去皺瘦面的療效？

這個媲美Botox的瘦面facial叫「時光逆轉療程」，過程無需靠任何科技儀器，全憑外塗產品及技師妙手，就可以守護年輕外貌，真殊不簡單啊！敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/

食完要減肥的名店 --- 名人坊

我拼命鑽研減肥，就是為了拼命、亡命、不要命的食食食！看來今次終於有一間食肆可以食到我怕，不為食物難食，而是因為隨時食得過多而減不了！
各位美麗的讀者，不要因為以上的說話而害怕或立即飛走唔睇，我為了這篇blog，特別在《MORE》的專欄內籌備了數篇超強、兼聞所未聞同埋相當有效的秘傳減肥法，下星期一就可以睇得到，所以今個星期，先食，再減！好嗎！


值得我如此隆重推介的食肆，絕對不是因為收咗任何著數，相反，我仲付出了許多--- 截至今晚(不計早前的)，單單這個六月份我共吃了三次，更預訂了今個星期六再食多次，變成飯堂！真金白銀的推介，不比我買化妝護膚品的錢少！


這間食肆就是由名廚鄭錦富主理的「名人坊」，他是昔日林百欣家廚，為富豪、高官下廚近30 年，有「隱世廚神」之稱，此食店更榮獲米芝蓮二星呢！

經我頻密的三次拜會，名人坊的靈魂人物富哥終於步出廚房，和我細味分享點滴，拘謹的富哥話不多，但每每細心地說出食材及烹調重點，邊食邊聽書，為食有回報啊！
富哥謂烹調的宗旨很簡單，就是用最好的食材、最講究的技巧，最用心的炮製家常小菜。


我就是為了以下呢款「花雕飛天雞」而迷上「名人坊」，真係好味到飛天！

這道菜式必需一天前預定才可食到。
特別在用上鮮雞配合花雕等醃料，先醃五小時入味，再以電飯煲蒸熟。上桌時酒香撲鼻，肉質嫩滑，秘訣很簡單，就是用新鮮及心機去煮理。
$380，係貴呀，但從來我覺得好食嘅就唔介意付出！ 

其實最先上枱是免費送的餐前小吃 --- 蘿蔔糕，蘿蔔糕大家都食得多，但三次飯局裏，我與不同的朋友來食，大家不若而同說這是「最好味的蘿蔔糕」，配上香港地道「古早味」的余均益辣椒醬，或獨門炮製的蝦籽XO醬，名人食家馮美基、葉樹堃都讚不絕口。

如果你因為驚咕嚕肉太肥、茨汁稠到好似拔絲咁誇張而唔食，咁你就要試下富哥如何煮出精彩--- 肉不肥，汁濃稠度剛好，皮脆內軟，我從來不愛咕嚕肉都為此著迷，破晒戒。

從來琵琶豆腐，超級炸兼淋上肥膩茨汁，搞到唔知似乜！我根本唔會食，但係這麼一塊冇汁的琵琶豆腐，脆而不油，炸到好似天婦羅般入口即溶，一碟八件，我一人食兩件！又破戒。

咖喱海鮮春卷同琵琶豆腐相似，皮薄而脆，其實好好味，不過我在兩者間取琵琶而輕食咖喱，怕燥皮膚會標粒粒。

驚喜之作係炸乳鴿！
十分十分迷你，但乳鴿就係要咁細隻先至好味，胸骨似軟骨般爽脆，骨肉都非常入味，嬴沙田龍華酒家九條街呀！富哥說如果一早預訂，讓他有多點時間做事前準備，乳鴿便會更加皮脆肉香！七人食飯點了五隻，我個人包辦一隻，再破戒！$60 / 隻

梅菜蒸菜芯就演繹出「食神的最高境界」！用最嫩的菜心配上最好的梅菜，冇加豉油更冇落油，齋蒸！全憑食物的新鮮取勝，梅菜的天然甜味在蒸的過程慢慢滲入菜心，食神個「掂」字就係咁寫囉！

富哥話同我哋投契，仲送我招牌蟹肉炒米粉同薑汁上湯芥蘭，蟹肉雞蛋芽菜都係我 favourite，呢道米粉勁炒時只用極少油，所以保持到爽口，啱晒如我等怕肥膩之士。

疑團：冇黃的蛋？

神奇，這一道紅棗蓮子蛋茶，當中的蛋居然冇蛋黃！心諗.....咩雞會生得出冇黃的蛋呢？
原來係用兩隻蛋合二為一：先在雞蛋開一個小洞，將蛋黃液及蛋白液倒出分開，然後再將兩隻蛋白液倒回開了小洞的雞蛋殼內，再蒸熟，咁就造出一隻冇蛋黃的原隻雞蛋白喇。
如此有心機的工序，當然值得我多寫些文字作介紹拉？
這甜品都係飯後必送的！


名人坊高級粵菜
中環九如坊3號中環蘭桂坊酒店一樓
3650 0066

———————————————————————————————————–

本週《MORE》專欄精采內容：

媲美Botox 熨平皺紋瘦面facial

做facial竟可有如注射Botox去皺瘦面的療效？

這個媲美Botox的瘦面facial叫「時光逆轉療程」，過程無需靠任何科技儀器，全憑外塗產品及技師妙手，就可以守護年輕外貌，真殊不簡單啊！敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/

「面膜餐單」 Round 7---敏感肌保濕！

無疑，美容扮靚上，我追捧醫學品牌也沉迷光學科技，貪其療效快且顯著；然而，也深明天然素材對肌膚有莫大益處，易吸收且安全不易致敏。兩者互相配合互補不足就是最佳護膚之選。

話俾大家知，我由細開始接觸之天然有機品牌，其一是 Origins，會好放心使用，因為100%純天然植物精油，零防腐劑、化學劑，不會令皮膚加重負擔。

其 Drink Up Mask 是中學最常用的保濕面膜，因為方便易用夠保水而且價錢抵買，記得當時只須百多元，它的盛行程度是我身邊朋友七成都買過。

Origins Drink Up mask $210

於兩年前 Drink Up mask 換新包裝，同系列仲多咗款 overnight mask(我都有，放咗喺雪櫃)，我最愛還是前者，因為敷十分鐘後抹掉，再配合家藏高效抗皺 night cream，一保濕一去紋，雙重夾摯，第二朝皮膚皮膚特別軟滑乾紋得救，至於後者，男性朋友們最鍾意，因為搽一支搞掂晒，即睡，快靚正！

 潔臉及爽膚後塗上，此面膜質是乳霜狀帶油潤，是純天然植物精油，所以不會乾透，好處是可當 作massage cream 配合按摩緊緻臉龐，雖則標榜敷 10 minute 便足夠，我通常會敷夠 20minute。敷後可用濕棉抹掉或洗淨。作為急救型面膜，在上妝前敷，有助粉底更貼服。

成分天然，含羅馬洋甘菊、甘油、杏核油等滋潤及柔軟肌膚，敏感肌也可放心使用啊！
二百元大大支，日日敷也絕不心痛呢！

———————————————————————————————————–

本週《MORE》專欄精采內容：

媲美Botox 熨平皺紋瘦面facial

做facial竟可有如注射Botox去皺瘦面的療效？

這個媲美Botox的瘦面facial叫「時光逆轉療程」，過程無需靠任何科技儀器，全憑外塗產品及技師妙手，就可以守護年輕外貌，真殊不簡單啊！敬請留意今期《MORE》雜誌內我的專欄。

微博：http://t.sina.com.cn/yokot/

http://vipblog.orientalsunday.hk/yokot/

http://yokotsang.blogspot.com/