2014年2月28日星期五

YSL CC cream 紫粉橙-轉走劣色肌

前日,大家在我blog文踴躍留言,全因為韓國神劇《來自星星的你》熱潮---
究竟YSL唇膏waiting list有幾勁?
文中已經透露咗秘密數字俾大家知。
-
其實,我當天出席YSL傳媒美容發布會,追查唇膏熱搶情況只是玩味心態,
真正目的係要試齊最新修飾面容妝品系列,仲可以同幾位星級化妝師順便聚舊呢!

Tea gathering上提供一人一份輕怡小吃,精緻吸引;
至好味係芒果mousse cake,少食多滋味,事關濕熱 還是淺嚐為妙。
-
發布會上說的新品是CC cream,齋聽個朵非新鮮搞作,
我亦早已用完多款不同韓牌CC cream,
但YSL品牌出品加上係法國做,也就特別提起我興趣!
YSL forever light creator CC cream 亮光妍活調色CC霜 $460/40ml (連卡佛/崇光有售)
-
與眾不同係YSL CC cream有3種色澤可選,絕非深淺膚色咁簡單,而是具調色效果的薰衣草紫、嫩淡粉紅、泥濘橙啡,切合改變不同肌膚顏色問題。
薰衣草紫-矯正偏黃暗啞膚色,均勻亮白。
嫩淡粉紅-為偏白帶青肌膚,添健康好氣息。
泥濘橙啡-適合深膚色,或作局部陰影修容用。
質地輕盈,易推均勻,妝效透薄。

呢支CC cream用途多樣化,我建議如下:
1)單塗為皮膚均色添光澤,且有防曬保護SPF 35 PA+++。
2)也可作為隔離霜,含有辣木成分,功效是抗自由基,更可抗重金屬粒子,提供保護皮膚作用;以及調色及加強往後粉餅貼服度。
3)亦可取少量混合粉底液,修飾及打亮膚色。
-
三選一,我帶返屋企的是'Rose'淡粉紅色,因為從來偏好白裏透紅膚色!

——————————
本週《MORE》專欄精采內容:
環口性皮膚炎你要知
「環口性皮膚炎」,又稱「口周皮炎」,病徵外觀是圍住嘴唇四邊起勢生瘡,但絕不是一兩小粒暗瘡,而是嘴巴周圍生成許多的小疹子,大多是封閉性白頭粉刺、紅色丘疹型痘痘、紅斑甚至是膿皰,或稀疏散在或集簇成片,且常牽連脫屑問題,時而痕癢時而有灼熱感,怎解決?
請留意今期《MORE》雜誌內我的專欄

2014年2月27日星期四

關於長胎唔長肉的啟示

因為懷孕了,特別珍惜每一個拍攝的機會,因為都是見證孕期的成長,以及日後和BB一起分享的回憶。
星期一出席了Guerlain的香水活動,在會場中碰見主辦是次活動的丁子高,寒喧幾句後便告訴他:「我有咗5個月!」哈哈,相信佢同大家一樣嚇咗一跳。「你講笑咋!」然後他的同事從後撲出回答:「佢真係有咗BB呀!」搞到我要不斷澄清,最慘係好多同場人士都話自己冇BB但係個肚仲大個我。
其實我個肚係有漲大呀,由第17週到21週,的確有明顯改變。這點當然要歸功於萬全堂錢太的功力。不過萬全堂的同事就希望想透過我同大家解釋一些觀點,因為打電話去預約的人實在目的明確---想長胎唔長肉,但有些人的體質本身已經係好多肉,加上懷孕體重自動上升難免肉上加肉。
就以我為例,我對這一刻的體重都增加了14磅,面龐、腰身及背部都長肉不少,只是療程盡量做到體重不誇張暴升。所以大家要跟足錢太指引,咁就一定母子平安!

母愛的確好偉大,會令你改變平時一些生活習慣,去完中環萬全堂的下一個節目,多數會去IFC City Super玩下今晚食乜餸。呢一次就見到包裝得好靚精美嘅日本大分縣產的日本花菇。
$125/90克,即係大約$840/斤,以冬菇而言係非常非常之貴,不過未試過,試下整個冬菇炆雞先。
打開包裝,冬菇的香味稍遜,係有啲怕唔係太鮮甜。果然,炆出來的冬菇味一般,但菇身的扎實口感非常實在,花紋上的脆口我十分喜歡。

到目前為止的飲食取態是「唔爭在,食好啲」,反正目前是母嬰一同吸收。
我諗我會好好珍惜懷孕期間的日子,盡情把最好的東西放入口。嘻嘻!
——————————
本週《MORE》專欄精采內容:
環口性皮膚炎你要知
「環口性皮膚炎」,又稱「口周皮炎」,病徵外觀是圍住嘴唇四邊起勢生瘡,但絕不是一兩小粒暗瘡,而是嘴巴周圍生成許多的小疹子,大多是封閉性白頭粉刺、紅色丘疹型痘痘、紅斑甚至是膿皰,或稀疏散在或集簇成片,且常牽連脫屑問題,時而痕癢時而有灼熱感,怎解決?
請留意今期《MORE》雜誌內我的專欄

2014年2月26日星期三

來自星星的waiting list

噚日出席了YSL的tea gathering,焦點還是落在韓國神劇《來自星星的你》。
傳聞指,千頌伊就係用了YSL Gloss Volupte 202號唇彩 + YSL Rouge Pur Couture 52號唇膏把「都manager」迷得一陣陣。
我一集都未睇過,暫時對一切來自星星的瘋狂免疫。Tea gathering期間,我最八卦嘅係,如果想買YSL Gloss Volupte 202號唇彩 + YSL Rouge Pur Couture 52號唇膏仲有冇可能?
Oh my god!講你都唔信,全港waiting list加埋大約四千多人,大家條心死咗未?
我估,呢兩支東西我屋企應該有,只係唔知放咗去邊。

等我試下搵搵先。

至於來自星星的一切,同我一樣未睇的可唔可以揮揮手留個言,等我知道我同你都係同一陣線呢?(有啲驚最後係零留言......)

我盡過最大努力去了解來自星星的劇情,就只有睇了這一條3分鐘視頻,睇完即可極速了解這齣神劇:
等你留言!
——————————
本週《MORE》專欄精采內容:
環口性皮膚炎你要知
「環口性皮膚炎」,又稱「口周皮炎」,病徵外觀是圍住嘴唇四邊起勢生瘡,但絕不是一兩小粒暗瘡,而是嘴巴周圍生成許多的小疹子,大多是封閉性白頭粉刺、紅色丘疹型痘痘、紅斑甚至是膿皰,或稀疏散在或集簇成片,且常牽連脫屑問題,時而痕癢時而有灼熱感,怎解決?
請留意今期《MORE》雜誌內我的專欄













2014年2月25日星期二

Guerlain午宴發佈會 精采點滴

噚日,我出席了香水午宴發佈會,品牌是法國Guerlain!
-
無論係埸地、佈局、玩意、主題盡顯心思,故此即刻撰文同大家分享!
-
埸地選址高格調,是品嚐現代歐陸菜 'le dome de cristal' ,店名由何來?取名19世紀俄國沙皇最鐘愛的香檳。上年尾才在中環嘉軒廣場開張,該店位置曾經是盛極一時潮人浦點Club No9,haha回想起已是若干年前,我都有常踏足。
話說回來,'le dome de cristal' 極具話題性,吸引一衆傳媒報章採訪,皆因裝潢勁靚,是典型「食浪漫」必選餐廳,如慶祝紀念日、生日冧情人等氣氛確係好,盛惠每位消費約$500。
店內呈圓形,總面積約1萬平方尺,由國際級室內設計師 Steve Leung操刀 ,結合現代美學及古典藝術來突顯Cristal 香檳的不平凡氣質。
-
我品嚐了黑松露磨菇湯,口感是非常細滑,味道香濃,
最like是喝完也不覺膩。
牛扒是肉眼部位,我揀了七成孰(懷孕不宜吃太生),
肉質具咬口仍然很軟滑;至正是配菜切片薯仔,入口溶化好綿啊!
甜品是Guerlain特別為今次香水主題設計-玫瑰花,
上層mousse滲著淡淡玫瑰花香,令下層蛋糕味道升華,不太甜啱我口味。

'le dome de cristal' 
地址:中環皇后大道中9號嘉軒廣場3樓
2116 4688
-

發佈會中的佳餚其實只是配角,主角是Guerlain最新推出的香水,將於3月1日才發售,早一星期聞到的香氣,彷彿更珍貴, haha!
大家看看瓶身,主角是little black dress「小黑裙」,今次是系列中的禮服版本。呢款香水設計原意是為靚衫添香韻,讓穿上haute couture時候的妳散發高貴香氣,是人衫氣味合一的最高境界乎?!
玫瑰花香與木質香氣融合,氣味清香討好,相信是大眾女性也喜歡的味道。樽身設計好得我歡心,像鑽石般高貴的瓶蓋、粉紅邊透視優雅黑長裙好吸睛,我決定將呢支香水留待搬新屋至開封,做裝飾擺設點綴呀!
$580/30ml
(將於3月1日起專櫃有售)
-
要數最難忘位,是場內特設高人即直剪紙,呢門藝術係由老伯伯出手,他的知名道甚高,歷年得到眾多報章訪問啊!
而我有幸將藝術作品帶回家珍藏,而且是根據我的側面容貌即席揮刀,過程只係5分鐘呢!
我興高采烈問老公:「你認得剪影人嗎?」(is me!!)
竟換來他冷笑一聲。
哼,無癮呀!
-
——————————
本週《MORE》專欄精采內容:
環口性皮膚炎你要知
「環口性皮膚炎」,又稱「口周皮炎」,病徵外觀是圍住嘴唇四邊起勢生瘡,但絕不是一兩小粒暗瘡,而是嘴巴周圍生成許多的小疹子,大多是封閉性白頭粉刺、紅色丘疹型痘痘、紅斑甚至是膿皰,或稀疏散在或集簇成片,且常牽連脫屑問題,時而痕癢時而有灼熱感,怎解決?
請留意今期《MORE》雜誌內我的專欄

2014年2月24日星期一

長胎唔長肉的成效

昨天再次到訪「灣仔食街」廈門街,再食泰式燒魚,就在街頭拍了一張snap:
我自己也很難以致信,相中的我是5個月身孕!
如果你也是同日參加了我讀者聚會的讀者,你們已經直接在面上顯露了你的驚訝。
能夠做到這般身型,全靠「長胎唔長肉」的中醫治療(重溫:懷孕前調理養生篇(一)中醫針灸養胎)。
千萬不要誤會這是不健康的「偏方」,中式調理,西醫實證,完全合乎胎兒生長程序,體重又磅重合乎標準。
上星期五去照結構,萬幸,胎兒一切正常,醫生都要俾十個叻!
關於我的懷孕調理分享,我知道每一項都反應激烈。我去萬全堂針灸,護士們會對我說又有幾多新症要做「Yoko套餐」。連調理子宮用的「雞泡膠湯包」都幾乎銷情告急,因為「膠不應求」!(幸好知道補貨及時)
十分感恩,發生在我身上的事情都是幸福的、美滿的,每一件事情都以最理想的方向進展,每每有適當的人物在我生命中每一階段出現,逢兇化吉、化險為夷。
願大家也一樣幸福美滿。
——————————
本週《MORE》專欄精采內容:
環口性皮膚炎你要知
「環口性皮膚炎」,又稱「口周皮炎」,病徵外觀是圍住嘴唇四邊起勢生瘡,但絕不是一兩小粒暗瘡,而是嘴巴周圍生成許多的小疹子,大多是封閉性白頭粉刺、紅色丘疹型痘痘、紅斑甚至是膿皰,或稀疏散在或集簇成片,且常牽連脫屑問題,時而痕癢時而有灼熱感,怎解決?
請留意今期《MORE》雜誌內我的專欄

2014年2月21日星期五

懷孕前調理養身篇(二)雞泡魚膠燉湯

上一篇提到,籌備懷孕前,我特地找我的御用中醫師萬全堂錢太,以調理身體。(重溫:懷孕前調理養身篇(一)

今篇是要提醒女性保護子宮的重要性。
即使妳是否預備懷孕,也要懂得好好保護子宮:須知子宮溫暖,體內氣血運行通暢,經期就會如常。如果子宮受寒邪困擾,就會引發月經不調,除了影響正常的受孕生育機會,還會讓妳的容顔早衰,出現膚色泛黃、色斑、暗粒、皮膚粗糙等狀況! 

於日常生活習慣而言,忌喝冰冷飲品,我只喝溫熱飲的好習慣已維持了十多年,至於雪糕只會一年淺嚐幾次,魚生刺身誘惑較難抵擋,一個月兩三次咁多啦,但自從有咗BB,直情要戒,唔准食了!

我深信,長期為子宮調理,是幫助成孕和身體健康的重要因素。
故此,除了防子宮虛寒,我亦會靠食療保養,而呢個寶貴秘密,終於公開同大家分享喇:
是一種非常獨特的花膠品種「雞泡膠」,療效有根有據的啊!
「雞泡膠」相信大家極少聽過,因一般人是吃扎膠公和西洋肚,而「雞泡膠」的食療效用於女性而言特別珍貴,價格卻是花膠中屬於中低價級別,可以話係抵食補品。上圖是正宗雞泡膠的真實樣貌。

以下我介紹大家的燉湯,是幾位海味老行尊不若而同推薦的婦女調理湯方。傳統以來,脹氣的魚肚都有調理女性生理腑臟之效,由名貴的蜘蛛肚到平民的雞泡膠。
而今次介紹的雞泡膠,有調理女性子宮作用,對於女性生理病,如經期不準、流白帶、子宮脹痛亦有改善效用,更是傳統水上人家的生仔秘方呢!
我走訪過多間海味老字號,好些主理人的新抱或女性友人都靠這湯方調理好月經失調及不準等case!
甚至是網上有好些陪月員也謂雞泡膠是他們推介client必吃補品。

另外,在親子王國的論壇上都有些關於雞泡膠的討論,無論是調理月經或希望生仔,都不乏成功例子,甚至有人謂未食完半斤就已經成功懷孕添,當然這只是一試無妨,不代表食完包生仔囉!

當我在2013年中獲得這湯方後,並沒有立即公開,絕非好嘢就留自己,而係認為凡事應試過後才分享。結論是,無論大家有否準備懷孕,總之花膠膠質豐富,對子宮好、關節好、皮膚好,價錢平民,便介紹給各位。

「雞泡魚膠燉湯」材料:
雞泡膠2隻、白蓮1両、百合1両、元肉1両、瘦肉4両、四碗水(喜歡濃味的,建議加瑤柱和金華火腿,湯味更鮮)
製作方法:
1)白蓮、百合、元肉浸水備用。
2)瘦肉汆水備用。
3)雞泡膠浸發後,汆水10分鐘備用。
4)將所有材料清燉2小時即成。
療程建議:每星期進補兩次。

湯包售價:$360,足夠一人份量燉三次(Y's RECIPES有售)

如果你們有搭開的士、或者留意sundaymore.com的video,一定見過我教大家整「雞泡魚膠燉湯」的video。其實拍攝的時候,我已經懷有身孕了,嚟緊會有更多養生美肌煮食同大家分享啊!

湯方材料非常簡單,烹調亦容易,味道更是very good!能夠調理好子宮,一定係成孕的其一關鍵;好友N更謂連續兩個月食了若干次後,M竟然沒有以往的脹痛,不知是否調理有功,就算你未有打算懷孕,對身體調理亦非常有效。

提醒大家,在選購雞泡膠時,需注意事項:市面上有兩款品種,記住要買刺穿曬製的才是正品,皆因是兩種來自不同產地的,正宗的產自中國北海接連越南海域。
上圖漲卜卜的雞泡膠,產自中國潮汕水域,是近十多年才出現的品種,很多海味老行尊都指明只有刺穿了的才是他們數十年來見過的正品!大家千奇唔好搞錯!

這樣有妙效的雞泡膠,價格居然相宜得驚人,大隻的一斤只不過$2,800(約60隻),比我一向用來進補的扎膠公都便宜得多。然而,當我的雞泡膠video在1月初推出時,立即賣斷市,好多海味店都缺貨了(咁好反應,證明大家也有興趣,我理應開心,但至驚炒高價呢)!終於,今個星期至等到有新貨返,立即介紹!

Y's Recipes
地址:銅鑼灣富明街2-6號寶明大廈3/F J室,有三部電梯,按3字即可到達(店於希慎Apple Store附近)
電話:3565 5971
營業時間:1230-2030(逢星期三休息)

——————————
本週《MORE》專欄精采內容:
遮瑕秘技 黑眼圈三級制
很多女性視「熊貓眼」罪大惡極!令她們無勇氣素顏示人,即使化了電眼妝也被黑眼圈大煞風景。一般亞洲女性擁有「熊貓眼」的原因是:循環欠佳及體質過敏,怎遮掉?
請留意今期《MORE》雜誌內我的專欄

2014年2月20日星期四

惡補BB產品智識

因為懷孕,假日時間多數宅在家,理應跟風追睇《來自星星的你》,但最後都係選擇睇Baby Kingdom。
每個朋友都笑我係「潮媽」,因為我好像仍然為自己而活,沒有一點孕婦表現對新生嬰兒的著緊。
例如明天舉行的BB展,都係我細嫂提我才知道。去到要買乜?我根本毫無頭緒。
「奶樽、烚奶器、尿片、走佬袋、BB床、BB車、泵奶器等等等等等等等」
Oh my god,要準備的東西真太多,我到呢一刻,我一樣都冇買過。

好友J的妻子的預產期比我早兩星期,J已經投訴老婆買得太多。

好吧,跟大隊去荷花逛一轉,兩口子好似參觀動物園一樣,望住一部部千變萬化的BB車,完全無從入手,直至手多的老公按了其中一部BB車的按鈕,突然發生巨變,由龐然大物,經過變形金剛式機械改變,縮細成為一個BB籃!再按一下,就會由BB籃變番做一架BB車,於是便嚷著要買!唉,當正自己去旺角超人玩具買玩具一樣,萬一我推推下誤觸按鈕變形,我真係唔知點算。

就係呢架4moms Origami變形BB車!索價一萬三千幾!睇埋條片,就知真係好變形:

最有印象係睇中一套 Rock & Roll設計的奶樽及奶咀,黑色主調加樂與怒骷髏頭造形,好似將魔鬼元素放入天使BB,老人家唔知接唔接受到!
品牌名叫Rock Star Baby,上網睇原來BB展都有得賣,價錢會平好多,一於入場買幾套先!

還是好友J妻子的好介紹有點吸引力---「即棄奶樽」!
這個奶樽從美國網站訂回來,用完即棄,確保衛生又不用烚奶器咁麻煩。不過我個人就覺得有點不太環保,儘管如此,應該都幾受歡迎。
購買網址:http://www.playtexbaby.com/7Essentials.aspx

而呢一刻最想擁有的產品叫「胎心機」,用來檢查及聆聽BB心跳用,應該會係我去BB展最想買的產品。
BB展..........唔去唔得!
——————————
本週《MORE》專欄精采內容:
遮瑕秘技 黑眼圈三級制
很多女性視「熊貓眼」罪大惡極!令她們無勇氣素顏示人,即使化了電眼妝也被黑眼圈大煞風景。一般亞洲女性擁有「熊貓眼」的原因是:循環欠佳及體質過敏,怎遮掉?
請留意今期《MORE》雜誌內我的專欄