最近舒淇都拜會過全港第一間「Hello Kitty中菜軒」，Hello Kitty煮中菜？繼cafe同拉麵之後，終於有一間我想食的Hello Kitty餐廳，一定要試啦！
頭盤的驚喜係脆皮牛展，脆皮炸牛腩我食過，換了做牛展真係第一次，驚喜在於面層爽脆牛展煙韌。
Hello Kitty中菜軒
地址：廣東道332至338號利來洋樓地舖A至C
2015年4月29日星期三
Hello Kitty煮中菜
我好鍾意睇東方新地娛樂版（並非擦鞋，連東地娛樂版總編都讚我「嚴重熟讀東地內容」），特別鍾意睇明星由邊間餐廳行出來，我就好想去這些「星級餐廳」試下。
最近舒淇都拜會過全港第一間「Hello Kitty中菜軒」，Hello Kitty煮中菜？繼cafe同拉麵之後，終於有一間我想食的Hello Kitty餐廳，一定要試啦！
店鋪設計係走「日式中華料理」風格，位於佐敦官涌街市旁邊，泊車好方便。
Hello Kitty粉絲睇見個餐牌一定好開心，以Hello Kitty大頭做的流沙包、馬拉糕、蝦餃，睇相已經好想食，實物又如何呢？
好似有靈魂一樣呀！眼神交足戲，仲好好味呀！
另一個招牌菜係Hello Kitty蘋果雞絲飯，招牌原因當然係個「貓頭飯」，印象非常深刻，因為相機食到好飽之後先有得食，加上蘋果係Hello Kitty最愛的食物，仲將雞絲汁放入挖空的蘋果內，我覺得似中日fusion菜。我會建議唔好等相機食先，會好食好多，因為呢個炒飯「相機食得太耐」先到我食。
平心而論，每一道菜都要加入Hello Kitty元素係冇乜可能，店內印上Hello Kitty樣的餐具都可以獨立發售已經係對粉絲的最佳消費籍口，所以我都希望將注意力返回菜式上。
頭盤的驚喜係脆皮牛展，脆皮炸牛腩我食過，換了做牛展真係第一次，驚喜在於面層爽脆牛展煙韌。
「笑哈蝦趣味」將鮮蝦用三個形式處理呈現，XO醬蝦球的XO醬係當店師傅每日新鮮炒製；豉油皇大蝦就因為隻蝦夠新鮮，令豉油突顯出蝦的鮮味；百花釀油條將蝦打成蝦滑再油泡，證明餐廳不是單單只有賣相，廚師都有一定功力。
菠蘿咕嚕肉在Hello Kitty中菜軒就會變成「蘋果咕嚕肉」，特別在蘋果經拔絲處理過再炸，炸完之後同咕嚕肉好似樣，有一種唔知自己夾到肉定蘋果的驚喜。
炸子雞完全不會同Hello Kitty扯上任何關係，難道要刻意改叫「炸子貓」？不過我只想講，他們正正經經的中菜都有相當功駕，炸子雞皮脆肉嫩，至少不是over done。
撇除所有Hello Kitty的叫座力，真的為中菜軒的菜式評價，算是相當有心，繁複的心機小菜都有供應（單是Hello Kitty點心已經相當費神），杏汁豬肺湯（上圖）這些好多菜館嫌洗豬肺麻煩不作供應，中菜軒也一樣有；疏菜從本地有機農場入貨，食材上肯花心機，定價也不是過份進取，無論是否Hello Kitty粉絲也都照顧周到。
食食下遇上美聯社記者採訪，還找我訪問，似乎Hello Kitty中菜廳已經蜚聲國際，中外傳媒都極之關注！
最近舒淇都拜會過全港第一間「Hello Kitty中菜軒」，Hello Kitty煮中菜？繼cafe同拉麵之後，終於有一間我想食的Hello Kitty餐廳，一定要試啦！
頭盤的驚喜係脆皮牛展，脆皮炸牛腩我食過，換了做牛展真係第一次，驚喜在於面層爽脆牛展煙韌。
2015年4月27日星期一
速食養生攻略
因為經常在blog中分享我的食療，久而久之，有些讀者把我當作「最方便問症的醫生」。因為讀者們都覺得我可以提供最方便的懶人方法去調理自己的身體，好過舞一番大龍鳳，總之要最簡單而又最有效！
只是，就算有答案，冇食材一樣冇用，亦讓我想到媽媽在我小時候，會買很多東西放在雪櫃，目的是想到便有得用，就像柴米油鹽一樣，不可或缺。
其實入廚難過登天，並不止於懶於入廚，當你有心卻冇食材，衝勁一下子便會消失。
以湯水為例，我很喜歡燉湯，將所有材料準備好，放入Miele蒸爐，90分鐘後便完成，方便又快捷，但硬件雖好，到底有甚麼材料一定要有？
答案是乾貨海產，用來打好湯底。我常備的有非洲大紅螺頭：
這些螺頭非常鮮甜，比雞肉或豬肉滋陰，燉出來的湯頭非常清徹，何況螺頭可以買定放在雪櫃，不似雞肉、豬肉，想用便要去街市買新鮮的，這便是乾貨的好處。
螺頭唯一不便之處是要浸發約8小時才適用於燉湯，所以我會浸定一小批，放在急凍格，要用時解凍便成。
元貝更是滋陰湯頭的必然主角，由於有健脾開胃的作用，還有獨特的清香味，用來燉湯的話，每碗水放一粒，三碗水便放三粒，而且極方便，用水洗一洗便可以立即使用，有時已浸發的螺頭唔夠，我會索性只用元貝。
燉湯只要有湯底的話，萬事都變得好容易，只要買定些煲湯料如白蓮、淮山、肇實、百合、南北杏、紅棗、南棗、雪耳、杞子、圓肉，一切都可以好百搭，喜歡甚麼便放甚麼。
例如用螺頭加元貝打底，配蓮子百合淮山加多幾粒杞子，已經是最簡單的健脾開胃燉湯。
再來用螺頭加元貝打底，配南棗雪耳杞子，明目養顏又補氣血。
或者用螺頭加元貝打底，配南北杏雪耳肇實百合，潤喉又補肺。
街市都不用去，想到就燉，只要屋企有上述材料，而這些材料又可以放雪櫃12個月左右保存。
早前發現了原來有一樣東西是雪梨乾，平得很過份，又係可以長時間放雪櫃儲存，喉嚨一痕，立即配無花果、南北杏、螺頭，立即紓緩喉嚨！我立即引入到Y's RECIPES，試過的都極之喜愛。
美國無花果乾更是我長期追捧產品，我每次都是5磅5磅的買，長期佔據雪櫃一大空間。我在Facebook Page這樣講過：
雪梨和無花果有降燥及潤喉潤肺作用，南北杏可以平喘，還帶來幽幽清香，零難度製法，養生還有籍口嗎？
唯一的籍口，應該係：「我仲未買！」
還不坐言起行？
訂閱：
文章 (Atom)